The Jologs Date

It happened earlier than expected.

Ang usapan kasi Friday kami manonood. Hindi ko na matandaan kung paano napagkasunduang ngayon (Wednesday) na ito gawin.

Pagkatapos kong magproseso ng insekto ay hinintay ko na s’yang matapos sa meeting nila para sa case presentation at pagdating ng alas-singko ay pumunta na kami sa sinehan. Mabuti na lang at palabas pala ang jologs film na gusto naming panoorin sa Rob. First day of showing pa! Mukha tuloy kaming super fans ni Maja at Matteo. Haha.

Nakakatawa. Ramdam na ramdam namin (lalo na niya) ang pagka-jologs sa ticket counter pa lang. Habang yung ibang tao kasi ay bumibili ng ticket para sa mga ‘seryosong’ pelikula tulad ng The Darkest Hour, kami naman ay ticket para sa My Cactus Heart ang bibilhin. Pagdating sa loob ng sinehan, in fairness, marami-rami naman pala ang nanonood. Akala kasi namin kami lang dalawa ang manonood noon. Haha. Over?! :)) 

Nakakatawa ulit. Yung ibang nanonood (na karamihan yata ay high school students) sobra kung maka-react at maka-tili. Lalo na yung tatlong babae sa harap namin. Pati na si kuya sa gilid ko na mas kinikilig pa kesa sa girlfriend n’ya. Hahaha. Laughtrip talaga! Hindi namin mapigilang tumawa (pero s’yempre yung mahina lang) dahil sa kanila. Ang sakit tuloy sa tiyan. Hahaha.

Yung pelikula, ayos lang. Bilang kiligin akong tao eh kinilig ako. Kahit doon sa mga scenes na hindi naman nakakakilig talaga (at sa mga scenes na nakakadiri para sa kanya. Haha). Puro hampas tuloy ang inabot n’ya sa’kin. Hahaha! Sabi nga n’ya, parang ako daw yung nag-ayang manood ng pelikulang yun at hindi s’ya. (Doon lang kasi s’ya sa huling part kinilig.) Haha. Sorry na.

Ang saya talaga ng araw na ‘to!

Nakakain na din ako ulit ng popcorn sa wakas. Hindi nga lang cheese. Pero masarap din naman ang sour cream. Haha. (Feeling ko nagseselos talaga s’ya sa popcorn. Haha!)

—-

Fu, i-rewind natin ang happily-ever-after na ‘to ah? :))